ବିଷ୍ଣୁ ସହସ୍ରନାମ ଓଡ଼ିଆ PDF

ଶୁକ୍ଲାମ୍ବରଧରଂ ବିଷ୍ଣୁଂ ଶଶିବର୍ଣଂ ଚତୁର୍ଭୁଜମ୍।ପ୍ରସନ୍ନବଦନଂ ଧ୍ଯାଯେତ୍ ସର୍ବବିଘ୍ନୋପଶାନ୍ତଯେ॥

ଯସ୍ଯ ଦ୍ବିରଦବକ୍ତ୍ରାଦ୍ଯାଃ ପାରିଷଦ୍ଯାଃ ପରଃ ଶତମ୍।ବିଘ୍ନଂ ନିଘ୍ନନ୍ତି ସତତଂ ବିଷ୍ବକ୍ସେନଂ ତମାଶ୍ରଯେ॥

ବ୍ଯାସଂ ବସିଷ୍ଠନପ୍ତାରଂ ଶକ୍ତେଃ ପୌତ୍ରମକଲ୍ମଷମ୍।ପରାଶରାତ୍ମଜଂ ବନ୍ଦେ ଶୁକତାତଂ ତପୋନିଧିମ୍॥

ବ୍ଯାସାଯ ବିଷ୍ଣୁରୂପାଯ ବ୍ଯାସରୂପାଯ ବିଷ୍ଣବେ।ନମୋ ବୈ ବ୍ରହ୍ମନିଧଯେ ବାସିଷ୍ଠାଯ ନମୋ ନମଃ॥

ଅବିକାରାଯ ଶୁଦ୍ଧାଯ ନିତ୍ଯାଯ ପରମାତ୍ମନେ।ସଦୈକରୂପରୂପାଯ ବିଷ୍ଣବେ ସର୍ବଜିଷ୍ଣବେ॥

ଯସ୍ଯ ସ୍ମରଣମାତ୍ରେଣ ଜନ୍ମସଂସାରବନ୍ଧନାତ୍।ବିମୁଚ୍ଯତେ ନମସ୍ତସ୍ମୈ ବିଷ୍ଣବେ ପ୍ରଭବିଷ୍ଣବେ॥

ଓଁ ନମୋ ବିଷ୍ଣବେ ପ୍ରଭବିଷ୍ଣବେ।

ଶ୍ରୀବୈଶମ୍ପାଯନ ଉବାଚ।ଶ୍ରୁତ୍ବା ଧର୍ମାନଶେଷେଣ ପାବନାନି ଚ ସର୍ବଶଃ।ଯୁଧିଷ୍ଠିରଃ ଶାନ୍ତନବଂ ପୁନରେବାଭ୍ଯଭାଷତ॥

ଯୁଧିଷ୍ଠିର ଉବାଚ।କିମେକଂ ଦୈବତଂ ଲୋକେ କିଂ ବାପ୍ଯେକଂ ପରାଯଣମ୍।ସ୍ତୁବନ୍ତଃ କଂ କମର୍ଚନ୍ତଃ ପ୍ରାପ୍ନୁଯୁର୍ମାନବାଃ ଶୁଭମ୍॥

କୋ ଧର୍ମଃ ସର୍ବଧର୍ମାଣାଂ ଭବତଃ ପରମୋ ମତଃ।କିଂ ଜପନ୍ମୁଚ୍ଯତେ ଜନ୍ତୁର୍ଜନ୍ମସଂସାରବନ୍ଧନାତ୍॥

ଭୀଷ୍ମ ଉବାଚ।ଜଗତ୍ପ୍ରଭୁଂ ଦେବଦେବମନନ୍ତଂ ପୁରୁଷୋତ୍ତମମ୍।ସ୍ତୁବନ୍ନାମସହସ୍ରେଣ ପୁରୁଷଃ ସତତୋତ୍ଥିତଃ॥

ତମେବ ଚାର୍ଚଯନ୍ନିତ୍ଯଂ ଭକ୍ତ୍ଯା ପୁରୁଷମବ୍ଯଯମ୍।ଧ୍ଯାଯନ୍ ସ୍ତୁବନ୍ନମସ୍ଯଂଶ୍ଚ ଯଜମାନସ୍ତମେବ ଚ॥

ଅନାଦିନିଧନଂ ବିଷ୍ଣୁଂ ସର୍ବଲୋକମହେଶ୍ବରମ୍।ଲୋକାଧ୍ଯକ୍ଷଂ ସ୍ତୁବନ୍ନିତ୍ଯଂ ସର୍ବଦୁଃଖାତିଗୋ ଭବେତ୍॥

ବ୍ରହ୍ମଣ୍ଯଂ ସର୍ବଧର୍ମଜ୍ଞଂ ଲୋକାନାଂ କୀର୍ତିବର୍ଧନମ୍।ଲୋକନାଥଂ ମହଦ୍ଭୂତଂ ସର୍ବଭୂତଭବୋଦ୍ଭବମ୍॥

ଏଷ ମେ ସର୍ବଧର୍ମାଣାଂ ଧର୍ମୋଽଧିକତମୋ ମତଃ।ଯଦ୍ଭକ୍ତ୍ଯା ପୁଣ୍ଡରୀକାକ୍ଷଂ ସ୍ତବୈରର୍ଚେନ୍ନରଃ ସଦା॥

ପରମଂ ଯୋ ମହତ୍ତେଜଃ ପରମଂ ଯୋ ମହତ୍ତପଃ।ପରମଂ ଯୋ ମହଦ୍ବ୍ରହ୍ମ ପରମଂ ଯଃ ପରାଯଣମ୍॥

ପବିତ୍ରାଣାଂ ପବିତ୍ରଂ ଯୋ ମଙ୍ଗଲାନାଂ ଚ ମଙ୍ଗଲମ୍।ଦୈବତଂ ଦେବତାନାଂ ଚ ଭୂତାନାଂ ଯୋଽବ୍ଯଯଃ ପିତା॥

ଯତଃ ସର୍ବାଣି ଭୂତାନି ଭବନ୍ତ୍ଯାଦିଯୁଗାଗମେ।ଯସ୍ମିଂଶ୍ଚ ପ୍ରଲଯଂ ଯାନ୍ତି ପୁନରେବ ଯୁଗକ୍ଷଯେ॥

ତସ୍ଯ ଲୋକପ୍ରଧାନସ୍ଯ ଜଗନ୍ନାଥସ୍ଯ ଭୂପତେ।ବିଷ୍ଣୋର୍ନାମସହସ୍ରଂ ମେ ଶୃଣୁ ପାପଭଯାପହମ୍॥

ଯାନି ନାମାନି ଗୌଣାନି ବିଖ୍ଯାତାନି ମହାତ୍ମନଃ।ଋଷିଭିଃ ପରିଗୀତାନି ତାନି ବକ୍ଷ୍ଯାମି ଭୂତଯେ॥

ଋଷିର୍ନାମ୍ନାଂ ସହସ୍ରସ୍ଯ ବେଦବ୍ଯାସୋ ମହାମୁନିଃ।ଛନ୍ଦୋଽନୁଷ୍ଟୁପ୍ ତଥା ଦେବୋ ଭଗବାନ୍ ଦେବକୀସୁତଃ॥

ଅମୃତାଂଶୂଦ୍ଭବୋ ବୀଜଂ ଶକ୍ତିର୍ଦେବକୀନନ୍ଦନଃ।ତ୍ରିସାମା ହୃଦଯଂ ତସ୍ଯ ଶାନ୍ତ୍ଯର୍ଥେ ବିନିଯୁଜ୍ଯତେ॥

ବିଷ୍ଣୁଂ ଜିଷ୍ଣୁଂ ମହାବିଷ୍ଣୁଂ ପ୍ରଭବିଷ୍ଣୁଂ ମହେଶ୍ବରମ୍।ଅନେକରୂପଦୈତ୍ଯାନ୍ତଂ ନମାମି ପୁରୁଷୋତ୍ତମମ୍॥

କ୍ଷୀରୋଦନ୍ବତ୍ପ୍ରଦେଶେ ଶୁଚିମଣିବିଲସତ୍ସୈକତେର୍ମୌକ୍ତିକାନାଂମାଲାକ୍ଲୃପ୍ତାସନସ୍ଥଃ ସ୍ଫଟିକମଣିନିଭୈର୍ମୌକ୍ତିକୈର୍ମଣ୍ଡିତାଙ୍ଗଃ।ଶୁଭ୍ରୈରଭ୍ରୈରଦଭ୍ରୈରୁପରିବିରଚିତୈର୍ମୁକ୍ତପୀଯୂଷବର୍ଷୈଃଆନନ୍ଦୀ ନଃ ପୁନୀଯାଦରିନଲିନଗଦାଶଙ୍ଖପାଣିର୍ମୁକୁନ୍ଦଃ॥

ଭୂଃ ପାଦୌ ଯସ୍ଯ ନାଭିର୍ବିଯଦସୁରନିଲଶ୍ଚନ୍ଦ୍ରସୂର୍ଯୌ ଚ ନେତ୍ରେକର୍ଣାବାଶାଃ ଶିରୋ ଦ୍ଯୌର୍ମୁଖମପି ଦହନୋ ଯସ୍ଯ ବାସ୍ତେଯମବ୍ଧିଃ।ଅନ୍ତଃସ୍ଥଂ ଯସ୍ଯ ବିଶ୍ବଂ ସୁରନରଖଗଗୋଭୋଗିଗନ୍ଧର୍ବଦୈତ୍ଯୈଃଚିତ୍ରଂ ରଂରମ୍ଯତେ ତଂ ତ୍ରିଭୁବନବପୁଷଂ ବିଷ୍ଣୁମୀଶଂ ନମାମି॥

ଶାନ୍ତାକାରଂ ଭୁଜଗଶଯନଂ ପଦ୍ମନାଭଂ ସୁରେଶଂବିଶ୍ବାଧାରଂ ଗଗନସଦୃଶଂ ମେଘବର୍ଣଂ ଶୁଭାଙ୍ଗମ୍।ଲକ୍ଷ୍ମୀକାନ୍ତଂ କମଲନଯନଂ ଯୋଗିହୃଦ୍ଧ୍ଯାନଗମ୍ଯଂବନ୍ଦେ ବିଷ୍ଣୁଂ ଭବଭଯହରଂ ସର୍ବଲୋକୈକନାଥମ୍॥

ମେଘଶ୍ଯାମଂ ପୀତକୌଶେଯବାସଂ ଶ୍ରୀବତ୍ସାଙ୍କଂ କୌସ୍ତୁଭୋଦ୍ଭାସିତାଙ୍ଗମ୍।ପୁଣ୍ଯୋପେତଂ ପୁଣ୍ଡରୀକାଯତାକ୍ଷଂ ବିଷ୍ଣୁଂ ବନ୍ଦେ ସର୍ବଲୋକୈକନାଥମ୍॥

ସଶଙ୍ଖଚକ୍ରଂ ସକିରୀଟକୁଣ୍ଡଲଂ ସପୀତବସ୍ତ୍ରଂ ସରସୀରୁହେକ୍ଷଣମ୍।ସହାରବକ୍ଷଃସ୍ଥଲଶୋଭିକୌସ୍ତୁଭଂ ନମାମି ବିଷ୍ଣୁଂ ଶିରସା ଚତୁର୍ଭୁଜମ୍॥

ଛାଯାଯାଂ ପାରିଜାତସ୍ଯ ହେମସିଂହାସନୋପରିଆସୀନମମ୍ବୁଦଶ୍ଯାମାଯତାକ୍ଷମଲଙ୍କୃତମ୍।ଚନ୍ଦ୍ରାନନଂ ଚତୁର୍ବାହୁଂ ଶ୍ରୀବତ୍ସାଙ୍କିତବକ୍ଷସମ୍ରୁକ୍ମିଣୀସତ୍ଯଭାମାଭ୍ଯାଂ ସହିତଂ କୃଷ୍ଣମାଶ୍ରଯେ॥

ଓଁ ବିଶ୍ବଂ ବିଷ୍ଣୁର୍ବଷଟ୍କାରୋ ଭୂତଭବ୍ଯଭବତ୍ପ୍ରଭୁଃ।ଭୂତକୃଦ୍ଭୂତଭୃଦ୍ଭାବୋ ଭୂତାତ୍ମା ଭୂତଭାବନଃ 1

ପୂତାତ୍ମା ପରମାତ୍ମା ଚ ମୁକ୍ତାନାଂ ପରମା ଗତିଃ।ଅବ୍ଯଯଃ ପୁରୁଷଃ ସାକ୍ଷୀ କ୍ଷେତ୍ରଜ୍ଞୋଽକ୍ଷର ଏବ ଚ 2

ଯୋଗୋ ଯୋଗବିଦାଂ ନେତା ପ୍ରଧାନପୁରୁଷେଶ୍ବରଃ।ନାରସିଂହବପୁଃ ଶ୍ରୀମାନ୍ କେଶବଃ ପୁରୁଷୋତ୍ତମଃ 3

ସର୍ବଃ ଶର୍ବଃ ଶିବଃ ସ୍ଥାଣୁର୍ଭୂତାଦିର୍ନିଧିରବ୍ଯଯଃ।ସମ୍ଭବୋ ଭାବନୋ ଭର୍ତା ପ୍ରଭବଃ ପ୍ରଭୁରୀଶ୍ବରଃ 4

ସ୍ବଯମ୍ଭୂଃ ଶମ୍ଭୁରାଦିତ୍ଯଃ ପୁଷ୍କରାକ୍ଷୋ ମହାସ୍ବନଃ।ଅନାଦିନିଧନୋ ଧାତା ବିଧାତା ଧାତୁରୁତ୍ତମଃ 5

ଅପ୍ରମେଯୋ ହୃଷୀକେଶଃ ପଦ୍ମନାଭୋଽମରପ୍ରଭୁଃ।ବିଶ୍ବକର୍ମା ମନୁସ୍ତ୍ବଷ୍ଟା ସ୍ଥବିଷ୍ଠଃ ସ୍ଥବିରୋ ଧ୍ରୁବଃ 6

ଅଗ୍ରାହ୍ଯଃ ଶାଶ୍ବତଃ କୃଷ୍ଣୋ ଲୋହିତାକ୍ଷଃ ପ୍ରତର୍ଦନଃ।ପ୍ରଭୂତସ୍ତ୍ରିକକୁବ୍ଧାମ ପବିତ୍ରଂ ମଙ୍ଗଲଂ ପରମ୍ 7

ଈଶାନଃ ପ୍ରାଣଦଃ ପ୍ରାଣୋ ଜ୍ଯେଷ୍ଠଃ ଶ୍ରେଷ୍ଠଃ ପ୍ରଜାପତିଃ।ହିରଣ୍ଯଗର୍ଭୋ ଭୂଗର୍ଭୋ ମାଧବୋ ମଧୁସୂଦନଃ 8

ଈଶ୍ବରୋ ବିକ୍ରମୀ ଧନ୍ବୀ ମେଧାବୀ ବିକ୍ରମଃ କ୍ରମଃ।ଅନୁତ୍ତମୋ ଦୁରାଧର୍ଷଃ କୃତଜ୍ଞଃ କୃତିରାତ୍ମବାନ୍ 9

ସୁରେଶଃ ଶରଣଂ ଶର୍ମ ବିଶ୍ବରେତାଃ ପ୍ରଜାଭବଃ।ଅହଃ ସଂବତ୍ସରୋ ବ୍ଯାଲଃ ପ୍ରତ୍ଯଯଃ ସର୍ବଦର୍ଶନଃ 10

ଅଜଃ ସର୍ବେଶ୍ବରଃ ସିଦ୍ଧଃ ସିଦ୍ଧିଃ ସର୍ବାଦିରଚ୍ଯୁତଃ।ବୃଷାକପିରମେଯାତ୍ମା ସର୍ବଯୋଗବିନିଃସୃତଃ 11

ବସୁର୍ବସୁମନାଃ ସତ୍ଯଃ ସମାତ୍ମା ସଂମିତଃ ସମଃ।ଅମୋଘଃ ପୁଣ୍ଡରୀକାକ୍ଷୋ ବୃଷକର୍ମା ବୃଷାକୃତିଃ 12

ରୁଦ୍ରୋ ବହୁଶିରା ବଭ୍ରୁର୍ବିଶ୍ବଯୋନିଃ ଶୁଚିଶ୍ରବାଃ।ଅମୃତଃ ଶାଶ୍ବତଃ ସ୍ଥାଣୁର୍ବରାରୋହୋ ମହାତପାଃ 13

ସର୍ବଗଃ ସର୍ବବିଦ୍ଭାନୁର୍ବିଷ୍ବକ୍ସେନୋ ଜନାର୍ଦନଃ।ବେଦୋ ବେଦବିଦବ୍ଯଙ୍ଗୋ ବେଦାଙ୍ଗୋ ବେଦବିତ୍କବିଃ 14

ଲୋକାଧ୍ଯକ୍ଷଃ ସୁରାଧ୍ଯକ୍ଷୋ ଧର୍ମାଧ୍ଯକ୍ଷଃ କୃତାକୃତଃ।ଚତୁରାତ୍ମା ଚତୁର୍ବ୍ଯୂହଶ୍ଚତୁର୍ଦଂଷ୍ଟ୍ରଶ୍ଚତୁର୍ଭୁଜଃ 15

ଭ୍ରାଜିଷ୍ଣୁର୍ଭୋଜନଂ ଭୋକ୍ତା ସହିଷ୍ଣୁର୍ଜଗଦାଦିଜଃ।ଅନଘୋ ବିଜଯୋ ଜେତା ବିଶ୍ବଯୋନିଃ ପୁନର୍ବସୁଃ 16

ଉପେନ୍ଦ୍ରୋ ବାମନଃ ପ୍ରାଂଶୁରମୋଘଃ ଶୁଚିରୂର୍ଜିତଃ।ଅତୀନ୍ଦ୍ରଃ ସଂଗ୍ରହଃ ସର୍ଗୋ ଧୃତାତ୍ମା ନିଯମୋ ଯମଃ 17

ବେଦ୍ଯୋ ବୈଦ୍ଯଃ ସଦାଯୋଗୀ ବୀରହା ମାଧବୋ ମଧୁଃ।ଅତୀନ୍ଦ୍ରିଯୋ ମହାମାଯୋ ମହୋତ୍ସାହୋ ମହାବଲଃ 18

ମହାବୁଦ୍ଧିର୍ମହାବୀର୍ଯୋ ମହାଶକ୍ତିର୍ମହାଦ୍ଯୁତିଃ।ଅନିର୍ଦେଶ୍ଯବପୁଃ ଶ୍ରୀମାନମେଯାତ୍ମା ମହାଦ୍ରିଧୃକ୍ 19

ମହେଷ୍ବାସୋ ମହୀଭର୍ତା ଶ୍ରୀନିବାସଃ ସତାଂ ଗତିଃ।ଅନିରୁଦ୍ଧଃ ସୁରାନନ୍ଦୋ ଗୋବିନ୍ଦୋ ଗୋବିଦାଂ ପତିଃ 20

ମରୀଚିର୍ଦମନୋ ହଂସଃ ସୁପର୍ଣୋ ଭୁଜଗୋତ୍ତମଃ।ହିରଣ୍ଯନାଭଃ ସୁତପାଃ ପଦ୍ମନାଭଃ ପ୍ରଜାପତିଃ 21

ଅମୃତ୍ଯୁଃ ସର୍ବଦୃକ୍ ସିଂହଃ ସନ୍ଧାତା ସନ୍ଧିମାନ୍ ସ୍ଥିରଃ।ଅଜୋ ଦୁର୍ମର୍ଷଣଃ ଶାସ୍ତା ବିଶ୍ରୁତାତ୍ମା ସୁରାରିହା 22

ଗୁରୁର୍ଗୁରୁତମୋ ଧାମ ସତ୍ଯଃ ସତ୍ଯପରାକ୍ରମଃ।ନିମିଷୋଽନିମିଷଃ ସ୍ରଗ୍ବୀ ବାଚସ୍ପତିରୁଦାରଧୀଃ 23

ଅଗ୍ରଣୀର୍ଗ୍ରାମଣୀଃ ଶ୍ରୀମାନ୍ ନ୍ଯାଯୋ ନେତା ସମୀରଣଃ।ସହସ୍ରମୂର୍ଧା ବିଶ୍ବାତ୍ମା ସହସ୍ରାକ୍ଷଃ ସହସ୍ରପାତ୍ 24

ଆବର୍ତନୋ ନିବୃତ୍ତାତ୍ମା ସଂବୃତଃ ସମ୍ପ୍ରମର୍ଦନଃ।ଅହଃ ସଂବର୍ତକୋ ବହ୍ନିରନିଲୋ ଧରଣୀଧରଃ 25

ସୁପ୍ରସାଦଃ ପ୍ରସନ୍ନାତ୍ମା ବିଶ୍ବଧୃଗ୍ବିଶ୍ବଭୁଗ୍ବିଭୁଃ।ସତ୍କର୍ତା ସତ୍କୃତଃ ସାଧୁର୍ଜହ୍ନୁର୍ନାରାଯଣୋ ନରଃ 26

ଅସଂଖ୍ଯେଯୋଽପ୍ରମେଯାତ୍ମା ବିଶିଷ୍ଟଃ ଶିଷ୍ଟକୃଚ୍ଛୁଚିଃ।ସିଦ୍ଧାର୍ଥଃ ସିଦ୍ଧସଙ୍କଲ୍ପଃ ସିଦ୍ଧିଦଃ ସିଦ୍ଧିସାଧନଃ 27

ବୃଷାହୀ ବୃଷଭୋ ବିଷ୍ଣୁର୍ବୃଷପର୍ବା ବୃଷୋଦରଃ।ବର୍ଧନୋ ବର୍ଧମାନଶ୍ଚ ବିବିକ୍ତଃ ଶ୍ରୁତିସାଗରଃ 28

ସୁଭୁଜୋ ଦୁର୍ଧରୋ ବାଗ୍ମୀ ମହେନ୍ଦ୍ରୋ ବସୁଦୋ ବସୁଃ।ନୈକରୂପୋ ବୃହଦ୍ରୂପଃ ଶିପିବିଷ୍ଟଃ ପ୍ରକାଶନଃ 29

ଓଜସ୍ତେଜୋଦ୍ଯୁତିଧରଃ ପ୍ରକାଶାତ୍ମା ପ୍ରତାପନଃ।ଋଦ୍ଧଃ ସ୍ପଷ୍ଟାକ୍ଷରୋ ମନ୍ତ୍ରଶ୍ଚନ୍ଦ୍ରାଂଶୁର୍ଭାସ୍କରଦ୍ଯୁତିଃ 30

ଅମୃତାଂଶୂଦ୍ଭବୋ ଭାନୁଃ ଶଶବିନ୍ଦୁଃ ସୁରେଶ୍ବରଃ।ଔଷଧଂ ଜଗତଃ ସେତୁଃ ସତ୍ଯଧର୍ମପରାକ୍ରମଃ 31

ଭୂତଭବ୍ଯଭବନ୍ନାଥଃ ପବନଃ ପାବନୋଽନଲଃ।କାମହା କାମକୃତ୍କାନ୍ତଃ କାମଃ କାମପ୍ରଦଃ ପ୍ରଭୁଃ 32

ଯୁଗାଦିକୃଦ୍ଯୁଗାବର୍ତୋ ନୈକମାଯୋ ମହାଶନଃ।ଅଦୃଶ୍ଯୋ ବ୍ଯକ୍ତରୂପଶ୍ଚ ସହସ୍ରଜିଦନନ୍ତଜିତ୍ 33

ଇଷ୍ଟୋଽବିଶିଷ୍ଟଃ ଶିଷ୍ଟେଷ୍ଟଃ ଶିଖଣ୍ଡୀ ନହୁଷୋ ବୃଷଃ।କ୍ରୋଧହା କ୍ରୋଧକୃତ୍କର୍ତା ବିଶ୍ବବାହୁର୍ମହୀଧରଃ 34

ଅଚ୍ଯୁତଃ ପ୍ରଥିତଃ ପ୍ରାଣଃ ପ୍ରାଣଦୋ ବାସବାନୁଜଃ।ଅପାଂନିଧିରଧିଷ୍ଠାନମପ୍ରମତ୍ତଃ ପ୍ରତିଷ୍ଠିତଃ 35

ସ୍କନ୍ଦଃ ସ୍କନ୍ଦଧରୋ ଧୁର୍ଯୋ ବରଦୋ ବାଯୁବାହନଃ।ବାସୁଦେବୋ ବୃହଦ୍ଭାନୁରାଦିଦେବଃ ପୁରନ୍ଦରଃ 36

ଅଶୋକସ୍ତାରଣସ୍ତାରଃ ଶୂରଃ ଶୌରିର୍ଜନେଶ୍ବରଃ।ଅନୁକୂଲଃ ଶତାବର୍ତଃ ପଦ୍ମୀ ପଦ୍ମନିଭେକ୍ଷଣଃ 37

ପଦ୍ମନାଭୋଽରବିନ୍ଦାକ୍ଷଃ ପଦ୍ମଗର୍ଭଃ ଶରୀରଭୃତ୍।ମହର୍ଦ୍ଧିରୃଦ୍ଧୋ ବୃଦ୍ଧାତ୍ମା ମହାକ୍ଷୋ ଗରୁଡଧ୍ବଜଃ 38

ଅତୁଲଃ ଶରଭୋ ଭୀମଃ ସମଯଜ୍ଞୋ ହବିର୍ହରିଃ।ସର୍ବଲକ୍ଷଣଲକ୍ଷଣ୍ଯୋ ଲକ୍ଷ୍ମୀବାନ୍ ସମିତିଞ୍ଜଯଃ 39

ବିକ୍ଷରୋ ରୋହିତୋ ମାର୍ଗୋ ହେତୁର୍ଦାମୋଦରଃ ସହଃ।ମହୀଧରୋ ମହାଭାଗୋ ବେଗବାନମିତାଶନଃ 40

ଉଦ୍ଭବଃ କ୍ଷୋଭଣୋ ଦେବଃ ଶ୍ରୀଗର୍ଭଃ ପରମେଶ୍ବରଃ।କରଣଂ କାରଣଂ କର୍ତା ବିକର୍ତା ଗହନୋ ଗୁହଃ 41

ବ୍ଯବସାଯୋ ବ୍ଯବସ୍ଥାନଃ ସଂସ୍ଥାନଃ ସ୍ଥାନଦୋ ଧ୍ରୁବଃ।ପରର୍ଦ୍ଧିଃ ପରମସ୍ପଷ୍ଟସ୍ତୁଷ୍ଟଃ ପୁଷ୍ଟଃ ଶୁଭେକ୍ଷଣଃ 42

ରାମୋ ବିରାମୋ ବିରଜୋ ମାର୍ଗୋ ନେଯୋ ନଯୋଽନଯଃ।ବୀରଃ ଶକ୍ତିମତାଂ ଶ୍ରେଷ୍ଠୋ ଧର୍ମୋ ଧର୍ମବିଦୁତ୍ତମଃ 43

ବୈକୁଣ୍ଠଃ ପୁରୁଷଃ ପ୍ରାଣଃ ପ୍ରାଣଦଃ ପ୍ରଣବଃ ପୃଥୁଃ।ହିରଣ୍ଯଗର୍ଭଃ ଶତ୍ରୁଘ୍ନୋ ବ୍ଯାପ୍ତୋ ବାଯୁରଧୋକ୍ଷଜଃ 44

ଋତୁଃ ସୁଦର୍ଶନଃ କାଲଃ ପରମେଷ୍ଠୀ ପରିଗ୍ରହଃ।ଉଗ୍ରଃ ସଂବତ୍ସରୋ ଦକ୍ଷୋ ବିଶ୍ରାମୋ ବିଶ୍ବଦକ୍ଷିଣଃ 45

ବିସ୍ତାରଃ ସ୍ଥାବରଃ ସ୍ଥାଣୁଃ ପ୍ରମାଣଂ ବୀଜମବ୍ଯଯମ୍।ଅର୍ଥୋଽନର୍ଥୋ ମହାକୋଶୋ ମହାଭୋଗୋ ମହାଧନଃ 46

ଅନିର୍ବିଣ୍ଣଃ ସ୍ଥବିଷ୍ଠୋଽଭୂର୍ଧର୍ମଯୂପୋ ମହାମଖଃ।ନକ୍ଷତ୍ରନେମିର୍ନକ୍ଷତ୍ରୀ କ୍ଷମଃ କ୍ଷାମଃ ସମୀହନଃ 47

ଯଜ୍ଞ ଇଜ୍ଯୋ ମହେଜ୍ଯଶ୍ଚ କ୍ରତୁଃ ସତ୍ରଂ ସତାଂ ଗତିଃ।ସର୍ବଦର୍ଶୀ ବିମୁକ୍ତାତ୍ମା ସର୍ବଜ୍ଞୋ ଜ୍ଞାନମୁତ୍ତମମ୍ 48

ସୁବ୍ରତଃ ସୁମୁଖଃ ସୂକ୍ଷ୍ମଃ ସୁଘୋଷଃ ସୁଖଦଃ ସୁହୃତ୍।ମନୋହରୋ ଜିତକ୍ରୋଧୋ ବୀରବାହୁର୍ବିଦାରଣଃ 49

ସ୍ବାପନଃ ସ୍ବବଶୋ ବ୍ଯାପୀ ନୈକାତ୍ମା ନୈକକର୍ମକୃତ୍।ବତ୍ସରୋ ବତ୍ସଲୋ ବତ୍ସୀ ରତ୍ନଗର୍ଭୋ ଧନେଶ୍ବରଃ 50

ଧର୍ମଗୁବ୍ଧର୍ମକୃଦ୍ଧର୍ମୀ ସଦସତ୍କ୍ଷରମକ୍ଷରମ୍।ଅବିଜ୍ଞାତା ସହସ୍ରାଂଶୁର୍ବିଧାତା କୃତଲକ୍ଷଣଃ 51

ଗଭସ୍ତିନେମିଃ ସତ୍ତ୍ବସ୍ଥଃ ସିଂହୋ ଭୂତମହେଶ୍ବରଃ।ଆଦିଦେବୋ ମହାଦେବୋ ଦେବେଶୋ ଦେବଭୃଦ୍ଗୁରୁଃ 52

ଉତ୍ତରୋ ଗୋପତିର୍ଗୋପ୍ତା ଜ୍ଞାନଗମ୍ଯଃ ପୁରାତନଃ।ଶରୀରଭୂତଭୃଦ୍ଭୋକ୍ତା କପୀନ୍ଦ୍ରୋ ଭୂରିଦକ୍ଷିଣଃ 53

ସୋମପୋଽମୃତପଃ ସୋମଃ ପୁରୁଜିତ୍ପୁରୁସତ୍ତମଃ।ବିନଯୋ ଜଯଃ ସତ୍ଯସନ୍ଧୋ ଦାଶାର୍ହଃ ସାତ୍ବତାଂ ପତିଃ 54

ଜୀବୋ ବିନଯିତା ସାକ୍ଷୀ ମୁକୁନ୍ଦୋଽମିତବିକ୍ରମଃ।ଅମ୍ଭୋନିଧିରନନ୍ତାତ୍ମା ମହୋଦଧିଶଯୋଽନ୍ତକଃ 55

ଅଜୋ ମହାର୍ହଃ ସ୍ବାଭାବ୍ଯୋ ଜିତାମିତ୍ରଃ ପ୍ରମୋଦନଃ।ଆନନ୍ଦୋ ନନ୍ଦନୋ ନନ୍ଦଃ ସତ୍ଯଧର୍ମା ତ୍ରିବିକ୍ରମଃ 56

ମହର୍ଷିଃ କପିଲାଚାର୍ଯଃ କୃତଜ୍ଞୋ ମେଦିନୀପତିଃ।ତ୍ରିପଦସ୍ତ୍ରିଦଶାଧ୍ଯକ୍ଷୋ ମହାଶୃଙ୍ଗଃ କୃତାନ୍ତକୃତ୍ 57

ମହାବରାହୋ ଗୋବିନ୍ଦଃ ସୁଷେଣଃ କନକାଙ୍ଗଦୀ।ଗୁହ୍ଯୋ ଗଭୀରୋ ଗହନୋ ଗୁପ୍ତଶ୍ଚକ୍ରଗଦାଧରଃ 58

ବେଧାଃ ସ୍ବାଙ୍ଗୋଽଜିତଃ କୃଷ୍ଣୋ ଦୃଢଃ ସଙ୍କର୍ଷଣୋଽଚ୍ଯୁତଃ।ବରୁଣୋ ବାରୁଣୋ ବୃକ୍ଷଃ ପୁଷ୍କରାକ୍ଷୋ ମହାମନାଃ 59

ଭଗବାନ୍ ଭଗହାନନ୍ଦୀ ବନମାଲୀ ହଲାଯୁଧଃ।ଆଦିତ୍ଯୋ ଜ୍ଯୋତିରାଦିତ୍ଯଃ ସହିଷ୍ଣୁର୍ଗତିସତ୍ତମଃ 60

ସୁଧନ୍ବା ଖଣ୍ଡପରଶୁର୍ଦାରୁଣୋ ଦ୍ରବିଣପ୍ରଦଃ।ଦିବଃସ୍ପୃକ୍ ସର୍ବଦୃଗ୍ବ୍ଯାସୋ ବାଚସ୍ପତିରଯୋନିଜଃ 61

ତ୍ରିସାମା ସାମଗଃ ସାମ ନିର୍ବାଣଂ ଭେଷଜଂ ଭିଷକ୍।ସଂନ୍ଯାସକୃଚ୍ଛମଃ ଶାନ୍ତୋ ନିଷ୍ଠା ଶାନ୍ତିଃ ପରାଯଣମ୍ 62

ଶୁଭାଙ୍ଗଃ ଶାନ୍ତିଦଃ ସ୍ରଷ୍ଟା କୁମୁଦଃ କୁବଲେଶଯଃ।ଗୋହିତୋ ଗୋପତିର୍ଗୋପ୍ତା ବୃଷଭାକ୍ଷୋ ବୃଷପ୍ରିଯଃ 63

ଅନିବର୍ତୀ ନିବୃତ୍ତାତ୍ମା ସଂକ୍ଷେପ୍ତା କ୍ଷେମକୃଚ୍ଛିବଃ।ଶ୍ରୀବତ୍ସବକ୍ଷାଃ ଶ୍ରୀବାସଃ ଶ୍ରୀପତିଃ ଶ୍ରୀମତାଂ ବରଃ 64

ଶ୍ରୀଦଃ ଶ୍ରୀଶଃ ଶ୍ରୀନିବାସଃ ଶ୍ରୀନିଧିଃ ଶ୍ରୀବିଭାବନଃ।ଶ୍ରୀଧରଃ ଶ୍ରୀକରଃ ଶ୍ରେଯଃ ଶ୍ରୀମାଂଲ୍ଲୋକତ୍ରଯାଶ୍ରଯଃ 65

ସ୍ବକ୍ଷଃ ସ୍ବଙ୍ଗଃ ଶତାନନ୍ଦୋ ନନ୍ଦିର୍ଜ୍ଯୋତିର୍ଗଣେଶ୍ବରଃ।ବିଜିତାତ୍ମାଽବିଧେଯାତ୍ମା ସତ୍କୀର୍ତିଶ୍ଛିନ୍ନସଂଶଯଃ 66

ଉଦୀର୍ଣଃ ସର୍ବତଶ୍ଚକ୍ଷୁରନୀଶଃ ଶାଶ୍ବତସ୍ଥିରଃ।ଭୂଶଯୋ ଭୂଷଣୋ ଭୂତିର୍ବିଶୋକଃ ଶୋକନାଶନଃ 67

ଅର୍ଚିଷ୍ମାନର୍ଚିତଃ କୁମ୍ଭୋ ବିଶୁଦ୍ଧାତ୍ମା ବିଶୋଧନଃ।ଅନିରୁଦ୍ଧୋଽପ୍ରତିରଥଃ ପ୍ରଦ୍ଯୁମ୍ନୋଽମିତବିକ୍ରମଃ 68

କାଲନେମିନିହା ବୀରଃ ଶୌରିଃ ଶୂରଜନେଶ୍ବରଃ।ତ୍ରିଲୋକାତ୍ମା ତ୍ରିଲୋକେଶଃ କେଶବଃ କେଶିହା ହରିଃ 69

କାମଦେବଃ କାମପାଲଃ କାମୀ କାନ୍ତଃ କୃତାଗମଃ।ଅନିର୍ଦେଶ୍ଯବପୁର୍ବିଷ୍ଣୁର୍ବୀରୋଽନନ୍ତୋ ଧନଞ୍ଜଯଃ 70

ବ୍ରହ୍ମଣ୍ଯୋ ବ୍ରହ୍ମକୃଦ୍ ବ୍ରହ୍ମା ବ୍ରହ୍ମ ବ୍ରହ୍ମବିବର୍ଧନଃ।ବ୍ରହ୍ମବିଦ୍ ବ୍ରାହ୍ମଣୋ ବ୍ରହ୍ମୀ ବ୍ରହ୍ମଜ୍ଞୋ ବ୍ରାହ୍ମଣପ୍ରିଯଃ 71

ମହାକ୍ରମୋ ମହାକର୍ମା ମହାତେଜା ମହୋରଗଃ।ମହାକ୍ରତୁର୍ମହାଯଜ୍ବା ମହାଯଜ୍ଞୋ ମହାହବିଃ 72

ସ୍ତବ୍ଯଃ ସ୍ତବପ୍ରିଯଃ ସ୍ତୋତ୍ରଂ ସ୍ତୁତଃ ସ୍ତୋତା ରଣପ୍ରିଯଃ।ପୂର୍ଣଃ ପୂରଯିତା ପୁଣ୍ଯଃ ପୁଣ୍ଯକୀର୍ତିରନାମଯଃ 73

ମନୋଜବସ୍ତୀର୍ଥକରୋ ବସୁରେତା ବସୁପ୍ରଦଃ।ବସୁପ୍ରଦୋ ବାସୁଦେବୋ ବସୁର୍ବସୁମନା ହବିଃ 74

ସଦ୍ଗତିଃ ସତ୍କୃତିଃ ସତ୍ତା ସଦ୍ଭୂତିଃ ସତ୍ପରାଯଣଃ।ଶୂରସେନୋ ଯଦୁଶ୍ରେଷ୍ଠଃ ସନ୍ନିବାସଃ ସୁଯାମୁନଃ 75

ଭୂତାବାସୋ ବାସୁଦେବଃ ସର୍ବାସୁନିଲଯୋଽନଲଃ।ଦର୍ପହା ଦର୍ପଦୋ ଦୃପ୍ତୋ ଦୁର୍ଧରୋଽଥାପରାଜିତଃ 76

ବିଶ୍ବମୂର୍ତିର୍ମହାମୂର୍ତିର୍ଦୀପ୍ତମୂର୍ତିରମୂର୍ତିମାନ୍।ଅନେକମୂର୍ତିରବ୍ଯକ୍ତଃ ଶତମୂର୍ତିଃ ଶତାନନଃ 77

ଏକୋ ନୈକଃ ସବଃ କଃ କିଂ ଯତ୍ତତ୍ପଦମନୁତ୍ତମମ୍।ଲୋକବନ୍ଧୁର୍ଲୋକନାଥୋ ମାଧବୋ ଭକ୍ତବତ୍ସଲଃ 78

ସୁବର୍ଣବର୍ଣୋ ହେମାଙ୍ଗୋ ବରାଙ୍ଗଶ୍ଚନ୍ଦନାଙ୍ଗଦୀ।ବୀରହା ବିଷମଃ ଶୂନ୍ଯୋ ଘୃତାଶୀରଚଲଶ୍ଚଲଃ 79

ଅମାନୀ ମାନଦୋ ମାନ୍ଯୋ ଲୋକସ୍ବାମୀ ତ୍ରିଲୋକଧୃକ୍।ସୁମେଧା ମେଧଜୋ ଧନ୍ଯଃ ସତ୍ଯମେଧା ଧରାଧରଃ 80

ତେଜୋବୃଷୋ ଦ୍ଯୁତିଧରଃ ସର୍ବଶସ୍ତ୍ରଭୃତାଂ ବରଃ।ପ୍ରଗ୍ରହୋ ନିଗ୍ରହୋ ବ୍ଯଗ୍ରୋ ନୈକଶୃଙ୍ଗୋ ଗଦାଗ୍ରଜଃ 81

ଚତୁର୍ମୂର୍ତିଶ୍ଚତୁର୍ବାହୁଶ୍ଚତୁର୍ବ୍ଯୂହଶ୍ଚତୁର୍ଗତିଃ।ଚତୁରାତ୍ମା ଚତୁର୍ଭାବଶ୍ଚତୁର୍ବେଦବିଦେକପାତ୍ 82

ସମାବର୍ତୋଽନିବୃତ୍ତାତ୍ମା ଦୁର୍ଜଯୋ ଦୁରତିକ୍ରମଃ।ଦୁର୍ଲଭୋ ଦୁର୍ଗମୋ ଦୁର୍ଗୋ ଦୁରାବାସୋ ଦୁରାରିହା 83

ଶୁଭାଙ୍ଗୋ ଲୋକସାରଙ୍ଗଃ ସୁତନ୍ତୁସ୍ତନ୍ତୁବର୍ଧନଃ।ଇନ୍ଦ୍ରକର୍ମା ମହାକର୍ମା କୃତକର୍ମା କୃତାଗମଃ 84

ଉଦ୍ଭବଃ ସୁନ୍ଦରଃ ସୁନ୍ଦୋ ରତ୍ନନାଭଃ ସୁଲୋଚନଃ।ଅର୍କୋ ବାଜସନଃ ଶୃଙ୍ଗୀ ଜଯନ୍ତଃ ସର୍ବବିଜ୍ଜଯୀ 85

ସୁବର୍ଣବିନ୍ଦୁରକ୍ଷୋଭ୍ଯଃ ସର୍ବବାଗୀଶ୍ବରେଶ୍ବରଃ।ମହାହୃଦୋ ମହାଗର୍ତୋ ମହାଭୂତୋ ମହାନିଧିଃ 86

କୁମୁଦଃ କୁନ୍ଦରଃ କୁନ୍ଦଃ ପର୍ଜନ୍ଯଃ ପାବନୋଽନିଲଃ।ଅମୃତାଶୋଽମୃତବପୁଃ ସର୍ବଜ୍ଞଃ ସର୍ବତୋମୁଖଃ 87

ସୁଲଭଃ ସୁବ୍ରତଃ ସିଦ୍ଧଃ ଶତ୍ରୁଜିଚ୍ଛତ୍ରୁତାପନଃ।ନ୍ଯଗ୍ରୋଧୋଽଦୁମ୍ବରୋଽଶ୍ବତ୍ଥଶ୍ଚାଣୂରାନ୍ଧ୍ରନିଷୂଦନଃ 88

ସହସ୍ରାର୍ଚିଃ ସପ୍ତଜିହ୍ବଃ ସପ୍ତୈଧାଃ ସପ୍ତବାହନଃ।ଅମୂର୍ତିରନଘୋଽଚିନ୍ତ୍ଯୋ ଭଯକୃଦ୍ଭଯନାଶନଃ 89

ଅଣୁର୍ବୃହତ୍କୃଶଃ ସ୍ଥୂଲୋ ଗୁଣଭୃନ୍ନିର୍ଗୁଣୋ ମହାନ୍।ଅଧୃତଃ ସ୍ବଧୃତଃ ସ୍ବାସ୍ଯଃ ପ୍ରାଗ୍ବଂଶୋ ବଂଶବର୍ଧନଃ 90

ଭାରଭୃତ୍କଥିତୋ ଯୋଗୀ ଯୋଗୀଶଃ ସର୍ବକାମଦଃ।ଆଶ୍ରମଃ ଶ୍ରମଣଃ କ୍ଷାମଃ ସୁପର୍ଣୋ ବାଯୁବାହନଃ 91

ଧନୁର୍ଧରୋ ଧନୁର୍ବେଦୋ ଦଣ୍ଡୋ ଦମଯିତା ଦମଃ।ଅପରାଜିତଃ ସର୍ବସହୋ ନିଯନ୍ତା ନିଯମୋ ଯମଃ 92

ସତ୍ତ୍ବବାନ୍ ସାତ୍ତ୍ବିକଃ ସତ୍ଯଃ ସତ୍ଯଧର୍ମପରାଯଣଃ।ଅଭିପ୍ରାଯଃ ପ୍ରିଯାର୍ହୋଽର୍ହଃ ପ୍ରିଯକୃତ୍ପ୍ରୀତିବର୍ଧନଃ 93

ବିହାଯସଗତିର୍ଜ୍ଯୋତିଃ ସୁରୁଚିର୍ହୁତଭୁଗ୍ବିଭୁଃ।ରବିର୍ବିରୋଚନଃ ସୂର୍ଯଃ ସବିତା ରବିଲୋଚନଃ 94

ଅନନ୍ତୋ ହୁତଭୁଗ୍ଭୋକ୍ତା ସୁଖଦୋ ନୈକଜୋଽଗ୍ରଜଃ।ଅନିର୍ବିଣ୍ଣଃ ସଦାମର୍ଷୀ ଲୋକାଧିଷ୍ଠାନମଦ୍ଭୁତଃ 95

ସନାତ୍ସନାତନତମଃ କପିଲଃ କପିରବ୍ଯଯଃ।ସ୍ବସ୍ତିଦଃ ସ୍ବସ୍ତିକୃତ୍ସ୍ବସ୍ତି ସ୍ବସ୍ତିଭୁକ୍ସ୍ବସ୍ତିଦକ୍ଷିଣଃ 96

ଅରୌଦ୍ରଃ କୁଣ୍ଡଲୀ ଚକ୍ରୀ ବିକ୍ରମ୍ଯୂର୍ଜିତଶାସନଃ।ଶବ୍ଦାତିଗଃ ଶବ୍ଦସହଃ ଶିଶିରଃ ଶର୍ବରୀକରଃ 97

ଅକ୍ରୂରଃ ପେଶଲୋ ଦକ୍ଷୋ ଦକ୍ଷିଣଃ କ୍ଷମିଣାଂ ବରଃ।ବିଦ୍ବତ୍ତମୋ ବୀତଭଯଃ ପୁଣ୍ଯଶ୍ରବଣକୀର୍ତନଃ 98

ଉତ୍ତାରଣୋ ଦୁଷ୍କୃତିହା ପୁଣ୍ଯୋ ଦୁଃସ୍ବପ୍ନନାଶନଃ।ବୀରହା ରକ୍ଷଣଃ ସନ୍ତୋ ଜୀବନଃ ପର୍ଯବସ୍ଥିତଃ 99

ଅନନ୍ତରୂପୋଽନନ୍ତଶ୍ରୀର୍ଜିତମନ୍ଯୁର୍ଭଯାପହଃ।ଚତୁରଶ୍ରୋ ଗଭୀରାତ୍ମା ବିଦିଶୋ ବ୍ଯାଦିଶୋ ଦିଶଃ 100

ଅନାଦିର୍ଭୂର୍ଭୁବୋ ଲକ୍ଷ୍ମୀଃ ସୁବୀରୋ ରୁଚିରାଙ୍ଗଦଃ।ଜନନୋ ଜନଜନ୍ମାଦିର୍ଭୀମୋ ଭୀମପରାକ୍ରମଃ 101

ଆଧାରନିଲଯୋଽଧାତା ପୁଷ୍ପହାସଃ ପ୍ରଜାଗରଃ।ଊର୍ଧ୍ବଗଃ ସତ୍ପଥାଚାରଃ ପ୍ରାଣଦଃ ପ୍ରଣବଃ ପଣଃ 102

ପ୍ରମାଣଂ ପ୍ରାଣନିଲଯଃ ପ୍ରାଣଭୃତ୍ପ୍ରାଣଜୀବନଃ।ତତ୍ତ୍ବଂ ତତ୍ତ୍ବବିଦେକାତ୍ମା ଜନ୍ମମୃତ୍ଯୁଜରାତିଗଃ 103

ଭୂର୍ଭୁବଃସ୍ବସ୍ତରୁସ୍ତାରଃ ସବିତା ପ୍ରପିତାମହଃ।ଯଜ୍ଞୋ ଯଜ୍ଞପତିର୍ଯଜ୍ବା ଯଜ୍ଞାଙ୍ଗୋ ଯଜ୍ଞବାହନଃ 104

ଯଜ୍ଞଭୃଦ୍ଯଜ୍ଞକୃଦ୍ଯଜ୍ଞୀ ଯଜ୍ଞଭୁଗ୍ଯଜ୍ଞସାଧନଃ।ଯଜ୍ଞାନ୍ତକୃଦ୍ଯଜ୍ଞଗୁହ୍ଯମନ୍ନମନ୍ନାଦ ଏବ ଚ 105

ଆତ୍ମଯୋନିଃ ସ୍ବଯଂଜାତୋ ବୈଖାନଃ ସାମଗାଯନଃ।ଦେବକୀନନ୍ଦନଃ ସ୍ରଷ୍ଟା କ୍ଷିତୀଶଃ ପାପନାଶନଃ 106

ଶଙ୍ଖଭୃନ୍ନନ୍ଦକୀ ଚକ୍ରୀ ଶାର୍ଙ୍ଗଧନ୍ବା ଗଦାଧରଃ।ରଥାଙ୍ଗପାଣିରକ୍ଷୋଭ୍ଯଃ ସର୍ବପ୍ରହରଣାଯୁଧଃ 107

ଶ୍ରୀ ସର୍ବପ୍ରହରଣାଯୁଧ ଓଁ ନମ ଇତି।ଶ୍ରୀ ସର୍ବପ୍ରହରଣାଯୁଧ ଓଁ ନମ ଇତି॥

ବନମାଲୀ ଗଦୀ ଶାର୍ଙ୍ଗୀ ଶଙ୍ଖୀ ଚକ୍ରୀ ଚ ନନ୍ଦକୀ।ଶ୍ରୀମାନ୍ନାରାଯଣୋ ବିଷ୍ଣୁର୍ବାସୁଦେବୋଽଭିରକ୍ଷତୁ॥ଶ୍ରୀମାନ୍ନାରାଯଣୋ ବିଷ୍ଣୁର୍ବାସୁଦେବୋଽଭିରକ୍ଷତୁ॥ଶ୍ରୀମାନ୍ନାରାଯଣୋ ବିଷ୍ଣୁର୍ବାସୁଦେବୋଽଭିରକ୍ଷତୁ॥

ଇତୀଦଂ କୀର୍ତନୀଯସ୍ଯ କେଶବସ୍ଯ ମହାତ୍ମନଃ।ନାମ୍ନାଂ ସହସ୍ରଂ ଦିବ୍ଯାନାମଶେଷେଣ ପ୍ରକୀର୍ତିତମ୍॥

ଯ ଇଦଂ ଶୃଣୁଯାନ୍ନିତ୍ଯଂ ଯଶ୍ଚାପି ପରିକୀର୍ତଯେତ୍।ନାଶୁଭଂ ପ୍ରାପ୍ନୁଯାତ୍କିଞ୍ଚିତ୍ସୋଽମୁତ୍ରେହ ଚ ମାନବଃ॥

ବେଦାନ୍ତଗୋ ବ୍ରାହ୍ମଣଃ ସ୍ଯାତ୍କ୍ଷତ୍ରିଯୋ ବିଜଯୀ ଭବେତ୍।ବୈଶ୍ଯୋ ଧନସମୃଦ୍ଧଃ ସ୍ଯାଚ୍ଛୂଦ୍ରଃ ସୁଖମବାପ୍ନୁଯାତ୍॥

ଧର୍ମାର୍ଥୀ ପ୍ରାପ୍ନୁଯାଦ୍ଧର୍ମମର୍ଥାର୍ଥୀ ଚାର୍ଥମାପ୍ନୁଯାତ୍।କାମାନବାପ୍ନୁଯାତ୍କାମୀ ପ୍ରଜାର୍ଥୀ ଚାପ୍ନୁଯାତ୍ପ୍ରଜାଃ॥

ଭକ୍ତିମାନ୍ ଯଃ ସଦୋତ୍ଥାଯ ଶୁଚିସ୍ତଦ୍ଗତମାନସଃ।ସହସ୍ରଂ ବାସୁଦେବସ୍ଯ ନାମ୍ନାମେତତ୍ପ୍ରକୀର୍ତଯେତ୍॥

ଯଶଃ ପ୍ରାପ୍ନୋତି ବିପୁଲଂ ଜ୍ଞାତିପ୍ରାଧାନ୍ଯମେବ ଚ।ଅଚଲାଂ ଶ୍ରିଯମାପ୍ନୋତି ଶ୍ରେଯଃ ପ୍ରାପ୍ନୋତ୍ଯନୁତ୍ତମମ୍॥

ନ ଭଯଂ କ୍ବଚିଦାପ୍ନୋତି ବୀର୍ଯଂ ତେଜଶ୍ଚ ବିନ୍ଦତି।ଭବତ୍ଯରୋଗୋ ଦ୍ଯୁତିମାନ୍ ବଲରୂପଗୁଣାନ୍ବିତଃ॥

ରୋଗାର୍ତୋ ମୁଚ୍ଯତେ ରୋଗାଦ୍ବଦ୍ଧୋ ମୁଚ୍ଯେତ ବନ୍ଧନାତ୍।ଭଯାନ୍ମୁଚ୍ଯେତ ଭୀତସ୍ତୁ ମୁଚ୍ଯେତାପନ୍ନ ଆପଦଃ॥

ଦୁର୍ଗାଣ୍ଯତିତରତ୍ଯାଶୁ ପୁରୁଷଃ ପୁରୁଷୋତ୍ତମମ୍।ସ୍ତୁବନ୍ନାମସହସ୍ରେଣ ନିତ୍ଯଂ ଭକ୍ତିସମନ୍ବିତଃ॥

ବାସୁଦେବାଶ୍ରଯୋ ମର୍ତ୍ଯୋ ବାସୁଦେବପରାଯଣଃ।ସର୍ବପାପବିଶୁଦ୍ଧାତ୍ମା ଯାତି ବ୍ରହ୍ମ ସନାତନମ୍॥

ନ ବାସୁଦେବଭକ୍ତାନାମଶୁଭଂ ବିଦ୍ଯତେ କ୍ବଚିତ୍।ଜନ୍ମମୃତ୍ଯୁଜରାବ୍ଯାଧିଭଯଂ ନୈବୋପଜାଯତେ॥

ଇମଂ ସ୍ତବମଧୀଯାନଃ ଶ୍ରଦ୍ଧାଭକ୍ତିସମନ୍ବିତଃ।ଯୁଜ୍ଯେତାତ୍ମସୁଖକ୍ଷାନ୍ତିଶ୍ରୀଧୃତିସ୍ମୃତିକୀର୍ତିଭିଃ॥

ନ କ୍ରୋଧୋ ନ ଚ ମାତ୍ସର୍ଯଂ ନ ଲୋଭୋ ନାଶୁଭା ମତିଃ।ଭବନ୍ତି କୃତପୁଣ୍ଯାନାଂ ଭକ୍ତାନାଂ ପୁରୁଷୋତ୍ତମେ॥

ଦ୍ଯୌଃ ସଚନ୍ଦ୍ରାର୍କନକ୍ଷତ୍ରା ଖଂ ଦିଶୋ ଭୂର୍ମହୋଦଧିଃ।ବାସୁଦେବସ୍ଯ ବୀର୍ଯେଣ ବିଧୃତାନି ମହାତ୍ମନଃ॥

ସସୁରାସୁରଗନ୍ଧର୍ବଂ ସଯକ୍ଷୋରଗରାକ୍ଷସମ୍।ଜଗଦ୍ବଶେ ବର୍ତତେଦଂ କୃଷ୍ଣସ୍ଯ ସଚରାଚରମ୍॥

ଇନ୍ଦ୍ରିଯାଣି ମନୋ ବୁଦ୍ଧିଃ ସତ୍ତ୍ବଂ ତେଜୋ ବଲଂ ଧୃତିଃ।ବାସୁଦେବାତ୍ମକାନ୍ଯାହୁଃ କ୍ଷେତ୍ରଂ କ୍ଷେତ୍ରଜ୍ଞ ଏବ ଚ॥

ସର୍ବାଗମାନାମାଚାରଃ ପ୍ରଥମଂ ପରିକଲ୍ପତେ।ଆଚାରପ୍ରଭବୋ ଧର୍ମୋ ଧର୍ମସ୍ଯ ପ୍ରଭୁରଚ୍ଯୁତଃ॥

ଋଷଯଃ ପିତରୋ ଦେବା ମହାଭୂତାନି ଧାତବଃ।ଜଙ୍ଗମାଜଙ୍ଗମଂ ଚେଦଂ ଜଗନ୍ନାରାଯଣୋଦ୍ଭବମ୍॥

ଯୋଗୋ ଜ୍ଞାନଂ ତଥା ସାଙ୍ଖ୍ଯଂ ବିଦ୍ଯାଃ ଶିଲ୍ପାଦିକର୍ମ ଚ।ବେଦାଃ ଶାସ୍ତ୍ରାଣି ବିଜ୍ଞାନମେତତ୍ସର୍ବଂ ଜନାର୍ଦନାତ୍॥

ଏକୋ ବିଷ୍ଣୁର୍ମହଦ୍ଭୂତଂ ପୃଥଗ୍ଭୂତାନ୍ଯନେକଶଃ।ତ୍ରୀନ୍ ଲୋକାନ୍ ବ୍ଯାପ୍ଯ ଭୂତାତ୍ମା ଭୁଙ୍କ୍ତେ ବିଶ୍ବଭୁଗବ୍ଯଯଃ॥

ଇମଂ ସ୍ତବଂ ଭଗବତୋ ବିଷ୍ଣୋର୍ବ୍ଯାସେନ କୀର୍ତିତମ୍।ପଠେଦ୍ଯ ଇଚ୍ଛେତ୍ପୁରୁଷଃ ଶ୍ରେଯଃ ପ୍ରାପ୍ତୁଂ ସୁଖାନି ଚ॥

ବିଶ୍ବେଶ୍ବରମଜଂ ଦେବଂ ଜଗତଃ ପ୍ରଭୁମବ୍ଯଯମ୍।ଭଜନ୍ତି ଯେ ପୁଷ୍କରାକ୍ଷଂ ନ ତେ ଯାନ୍ତି ପରାଭବମ୍॥ନ ତେ ଯାନ୍ତି ପରାଭବମ୍ ଓଁ ନମ ଇତି॥

ଅର୍ଜୁନ ଉବାଚ।ପଦ୍ମପତ୍ରବିଶାଲାକ୍ଷ ପଦ୍ମନାଭ ସୁରୋତ୍ତମ।ଭକ୍ତାନାମନୁରକ୍ତାନାଂ ତ୍ରାତା ଭବ ଜନାର୍ଦନ॥

ଶ୍ରୀଭଗବାନୁବାଚ।ଯୋ ମାଂ ନାମସହସ୍ରେଣ ସ୍ତୋତୁମିଚ୍ଛତି ପାଣ୍ଡବ।ସୋଽହମେକେନ ଶ୍ଲୋକେନ ସ୍ତୁତ ଏବ ନ ସଂଶଯଃ॥ସ୍ତୁତ ଏବ ନ ସଂଶଯଃ॥

ବ୍ଯାସ ଉବାଚ।ବାସନାଦ୍ବାସୁଦେବସ୍ଯ ବାସିତଂ ତେ ଜଗତ୍ତ୍ରଯମ୍।ସର୍ବଭୂତନିବାସୋଽସି ବାସୁଦେବ ନମୋଽସ୍ତୁ ତେ॥

ପାର୍ବତ୍ଯୁବାଚ।କେନୋପାଯେନ ଲଘୁନା ବିଷ୍ଣୋର୍ନାମସହସ୍ରକମ୍।ପଠ୍ଯତେ ପଣ୍ଡିତୈର୍ନିତ୍ଯଂ ଶ୍ରୋତୁମିଚ୍ଛାମ୍ଯହଂ ପ୍ରଭୋ॥

ଈଶ୍ବର ଉବାଚ।ଶ୍ରୀରାମ ରାମ ରାମେତି ରମେ ରାମେ ମନୋରମେ।ସହସ୍ରନାମ ତତ୍ତୁଲ୍ଯଂ ରାମନାମ ବରାନନେ॥ଶ୍ରୀରାମ ନାମ ବରାନନ ଓଁ ନମ ଇତି॥

ବ୍ରହ୍ମୋବାଚ।ନମୋଽସ୍ତ୍ବନନ୍ତାଯ ସହସ୍ରମୂର୍ତଯେ ସହସ୍ରପାଦାକ୍ଷିଶିରୋରୁବାହବେ।ସହସ୍ରନାମ୍ନେ ପୁରୁଷାଯ ଶାଶ୍ବତେ ସହସ୍ରକୋଟିଯୁଗଧାରିଣେ ନମଃ॥

ସଞ୍ଜଯ ଉବାଚ।ଯତ୍ର ଯୋଗେଶ୍ବରଃ କୃଷ୍ଣୋ ଯତ୍ର ପାର୍ଥୋ ଧନୁର୍ଧରଃ।ତତ୍ର ଶ୍ରୀର୍ବିଜଯୋ ଭୂତିର୍ଧ୍ରୁବା ନୀତିର୍ମତିର୍ମମ॥

ଶ୍ରୀଭଗବାନୁବାଚ।ଅନନ୍ଯାଶ୍ଚିନ୍ତଯନ୍ତୋ ମାଂ ଯେ ଜନାଃ ପର୍ଯୁପାସତେ।ତେଷାଂ ନିତ୍ଯାଭିଯୁକ୍ତାନାଂ ଯୋଗକ୍ଷେମଂ ବହାମ୍ଯହମ୍॥

ପରିତ୍ରାଣାଯ ସାଧୂନାଂ ବିନାଶାଯ ଚ ଦୁଷ୍କୃତାମ୍।ଧର୍ମସଂସ୍ଥାପନାର୍ଥାଯ ସମ୍ଭବାମି ଯୁଗେ ଯୁଗେ॥

ଆର୍ତାଃ ବିଷଣ୍ଣାଃ ଶିଥିଲାଶ୍ଚ ଭୀତାଃ ଘୋରେଷୁ ଚ ବ୍ଯାଧିଷୁ ବର୍ତମାନାଃ।ସଙ୍କୀର୍ତ୍ଯ ନାରାଯଣଶବ୍ଦମାତ୍ରଂ ବିମୁକ୍ତଦୁଃଖାଃ ସୁଖିନୋ ଭବନ୍ତି॥

କାଯେନ ବାଚା ମନସେନ୍ଦ୍ରିଯୈର୍ବା ବୁଦ୍ଧ୍ଯାତ୍ମନା ବା ପ୍ରକୃତେଃ ସ୍ବଭାବାତ୍।କରୋମି ଯଦ୍ଯତ୍ସକଲଂ ପରସ୍ମୈ ନାରାଯଣାଯେତି ସମର୍ପଯାମି॥

ଇତି ଶ୍ରୀମହାଭାରତେ ଶତସାହସ୍ର୍ଯାଂ ସଂହିତାଯାଂ ବୈଯାସିକ୍ଯାଂ ଅନୁଶାସନପର୍ବଣି ମୋକ୍ଷଧର୍ମେ ଭୀଷ୍ମଯୁଧିଷ୍ଠିରସଂବାଦେ ଶ୍ରୀବିଷ୍ଣୋର୍ଦିବ୍ଯସହସ୍ରନାମସ୍ତୋତ୍ରଂ ସମ୍ପୂର୍ଣମ୍॥