ରାମ ରକ୍ଷା ସ୍ତୋତ୍ର ଓଡ଼ିଆ PDF

॥ ଓଁ ଶ୍ରୀଗଣେଶାଯ ନମଃ॥

ଅସ୍ଯ ଶ୍ରୀରାମରକ୍ଷାସ୍ତୋତ୍ରମନ୍ତ୍ରସ୍ଯ। ବୁଧକୌଶିକ ଋଷିଃ।ଶ୍ରୀସୀତାରାମଚନ୍ଦ୍ରୋ ଦେଵତା। ଅନୁଷ୍ଟୁପ୍ ଛନ୍ଦଃ।ସୀତା ଶକ୍ତିଃ। ଶ୍ରୀମଦ୍ ହନୁମାନ କୀଲକମ୍।ଶ୍ରୀରାମଚନ୍ଦ୍ରପ୍ରୀତ୍ଯର୍ଥେ ରାମରକ୍ଷାସ୍ତୋତ୍ରଜପେ ଵିନିଯୋଗଃ॥

ଧ୍ଯାଯେଦାଜାନୁବାହୁଂ ଧୃତଶରଧନୁଷଂ ବଦ୍ଧପଦ୍ମାସନସ୍ଥଂପୀତଂ ଵାସୋ ଵସାନଂ ନଵକମଲଦଲସ୍ପର୍ଧିନେତ୍ରଂ ପ୍ରସନ୍ନମ୍।ଵାମାଙ୍କାରୂଢ ସୀତାମୁଖକମଲମିଲଲ୍ଲୋଚନଂ ନୀରଦାଭଂନାନାଲଙ୍କାରଦୀପ୍ତଂ ଦଧତମୁରୁଜଟାମଣ୍ଡନଂ ରାମଚନ୍ଦ୍ରମ୍॥

ଚରିତଂ ରଘୁନାଥସ୍ଯ ଶତକୋଟି ପ୍ରଵିସ୍ତରମ୍।ଏକୈକମକ୍ଷରଂ ପୁଂସାଂ ମହାପାତକନାଶନମ୍ 1

ଧ୍ଯାତ୍ଵା ନୀଲୋତ୍ପଲଶ୍ଯାମଂ ରାମଂ ରାଜୀଵଲୋଚନମ୍।ଜାନକୀଲକ୍ଷ୍ମଣୋପେତଂ ଜଟାମୁକୁଟମଣ୍ଡିତମ୍ 2

ସାସିତୂଣଧନୁର୍ବାଣପାଣିଂ ନକ୍ତଞ୍ଚରାନ୍ତକମ୍।ସ୍ଵଲୀଲଯା ଜଗତ୍ତ୍ରାତୁମାଵିର୍ଭୂତମଜଂ ଵିଭୁମ୍ 3

ରାମରକ୍ଷାଂ ପଠେତ୍ପ୍ରାଜ୍ଞଃ ପାପଘ୍ନୀଂ ସର୍ଵକାମଦାମ୍।ଶିରୋ ମେ ରାଘଵଃ ପାତୁ ଭାଲଂ ଦଶରଥାତ୍ମଜଃ 4

କୌସଲ୍ଯେଯୋ ଦୃଶୌ ପାତୁ ଵିଶ୍ଵାମିତ୍ରପ୍ରିଯଃ ଶ୍ରୁତୀ।ଘ୍ରାଣଂ ପାତୁ ମଖତ୍ରାତା ମୁଖଂ ସୌମିତ୍ରିଵତ୍ସଲଃ 5

ଜିହ୍ଵାଂ ଵିଦ୍ଯାନିଧିଃ ପାତୁ କଣ୍ଠଂ ଭରତଵନ୍ଦିତଃ।ସ୍କନ୍ଧୌ ଦିଵ୍ଯାଯୁଧଃ ପାତୁ ଭୁଜୌ ଭଗ୍ନେଶକାର୍ମୁକଃ 6

କରୌ ସୀତାପତିଃ ପାତୁ ହୃଦଯଂ ଜାମଦଗ୍ନ୍ଯଜିତ୍।ମଧ୍ଯଂ ପାତୁ ଖରଧ୍ଵଂସୀ ନାଭିଂ ଜାମ୍ବଵଦାଶ୍ରଯଃ 7

ସୁଗ୍ରୀଵେଶଃ କଟୀ ପାତୁ ସକ୍ଥିନୀ ହନୁମତ୍ପ୍ରଭୁଃ।ଊରୂ ରଘୂତ୍ତମଃ ପାତୁ ରକ୍ଷଃକୁଲଵିନାଶକୃତ୍ 8

ଜାନୁନୀ ସେତୁକୃତ୍ପାତୁ ଜଙ୍ଘେ ଦଶମୁଖାନ୍ତକଃ।ପାଦୌ ବିଭୀଷଣଶ୍ରୀଦଃ ପାତୁ ରାମୋଽଖିଲଂ ଵପୁଃ 9

ଏତାଂ ରାମବଲୋପେତାଂ ରକ୍ଷାଂ ଯଃ ସୁକୃତୀ ପଠେତ୍।ସ ଚିରାଯୁଃ ସୁଖୀ ପୁତ୍ରୀ ଵିଜଯୀ ଵିନଯୀ ଭଵେତ୍ 10

ପାତାଲଭୂତଲଵ୍ଯୋମଚାରିଣଶ୍ଛଦ୍ମଚାରିଣଃ।ନ ଦ୍ରଷ୍ଟୁମପି ଶକ୍ତାସ୍ତେ ରକ୍ଷିତଂ ରାମନାମଭିଃ 11

ରାମେତି ରାମଭଦ୍ରେତି ରାମଚନ୍ଦ୍ରେତି ଵା ସ୍ମରନ୍।ନରୋ ନ ଲିପ୍ଯତେ ପାପୈଃ ଭୁକ୍ତିଂ ମୁକ୍ତିଂ ଚ ଵିନ୍ଦତି 12

ଜଗଜ୍ଜୈତ୍ରୈକମନ୍ତ୍ରେଣ ରାମନାମ୍ନାଭିରକ୍ଷିତମ୍।ଯଃ କଣ୍ଠେ ଧାରଯେତ୍ତସ୍ଯ କରସ୍ଥାଃ ସର୍ଵସିଦ୍ଧଯଃ 13

ଵଜ୍ରପଞ୍ଜରନାମେଦଂ ଯୋ ରାମକଵଚଂ ସ୍ମରେତ୍।ଅଵ୍ଯାହତାଜ୍ଞଃ ସର୍ଵତ୍ର ଲଭତେ ଜଯମଙ୍ଗଲମ୍ 14

ଆଦିଷ୍ଟଵାନ୍ ଯଥା ସ୍ଵପ୍ନେ ରାମରକ୍ଷାମିମାଂ ହରଃ।ତଥା ଲିଖିତଵାନ୍ ପ୍ରାତଃ ପ୍ରବୁଦ୍ଧୋ ବୁଧକୌଶିକଃ 15

ଆରାମଃ କଲ୍ପଵୃକ୍ଷାଣାଂ ଵିରାମଃ ସକଲାପଦାମ୍।ଅଭିରାମସ୍ତ୍ରିଲୋକାନାଂ ରାମଃ ଶ୍ରୀମାନ୍ ସ ନଃ ପ୍ରଭୁଃ 16

ତରୁଣୌ ରୂପସମ୍ପନ୍ନୌ ସୁକୁମାରୌ ମହାବଲୌ।ପୁଣ୍ଡରୀକଵିଶାଲାକ୍ଷୌ ଚୀରକୃଷ୍ଣାଜିନାମ୍ବରୌ 17

ଫଲମୂଲାଶିନୌ ଦାନ୍ତୌ ତାପସୌ ବ୍ରହ୍ମଚାରିଣୌ।ପୁତ୍ରୌ ଦଶରଥସ୍ଯୈତୌ ଭ୍ରାତରୌ ରାମଲକ୍ଷ୍ମଣୌ 18

ଶରଣ୍ଯୌ ସର୍ଵସତ୍ତ୍ଵାନାଂ ଶ୍ରେଷ୍ଠୌ ସର୍ଵଧନୁଷ୍ମତାମ୍।ରକ୍ଷଃ କୁଲନିହନ୍ତାରୌ ତ୍ରାଯେତାଂ ନୋ ରଘୂତ୍ତମୌ 19

ଆତ୍ତସଜ୍ଜଧନୁଷାଵିଷୁସ୍ପୃଶାଵକ୍ଷଯାଶୁଗନିଷଙ୍ଗସଙ୍ଗିନୌ।ରକ୍ଷଣାଯ ମମ ରାମଲକ୍ଷ୍ମଣାଵଗ୍ରତଃ ପଥି ସଦୈଵ ଗଚ୍ଛତାମ୍ 20

ସନ୍ନଦ୍ଧଃ କଵଚୀ ଖଡ୍ଗୀ ଚାପବାଣଧରୋ ଯୁଵା।ଗଚ୍ଛନ୍ମନୋରଥୋଽସ୍ମାକଂ ରାମଃ ପାତୁ ସଲକ୍ଷ୍ମଣଃ 21

ରାମୋ ଦାଶରଥିଃ ଶୂରୋ ଲକ୍ଷ୍ମଣାନୁଚରୋ ବଲୀ।କାକୁତ୍ସ୍ଥଃ ପୁରୁଷଃ ପୂର୍ଣଃ କୌସଲ୍ଯେଯୋ ରଘୂତ୍ତମଃ 22

ଵେଦାନ୍ତଵେଦ୍ଯୋ ଯଜ୍ଞେଶଃ ପୁରାଣପୁରୁଷୋତ୍ତମଃ।ଜାନକୀଵଲ୍ଲଭଃ ଶ୍ରୀମାନ୍ ଅପ୍ରମେଯ ପରାକ୍ରମଃ 23

ଇତ୍ଯେତାନି ଜପନ୍ନିତ୍ଯଂ ମଦ୍ଭକ୍ତଃ ଶ୍ରଦ୍ଧଯାନ୍ଵିତଃ।ଅଶ୍ଵମେଧାଧିକଂ ପୁଣ୍ଯଂ ସମ୍ପ୍ରାପ୍ନୋତି ନ ସଂଶଯଃ 24

ରାମଂ ଦୂର୍ଵାଦଲଶ୍ଯାମଂ ପଦ୍ମାକ୍ଷଂ ପୀତଵାସସମ୍।ସ୍ତୁଵନ୍ତି ନାମଭିର୍ଦିଵ୍ଯୈଃ ନ ତେ ସଂସାରିଣୋ ନରାଃ 25

ରାମଂ ଲକ୍ଷ୍ମଣପୂର୍ଵଜଂ ରଘୁଵରଂ ସୀତାପତିଂ ସୁନ୍ଦରମ୍।କାକୁତ୍ସ୍ଥଂ କରୁଣାର୍ଣଵଂ ଗୁଣନିଧିଂ ଵିପ୍ରପ୍ରିଯଂ ଧାର୍ମିକମ୍।ରାଜେନ୍ଦ୍ରଂ ସତ୍ଯସନ୍ଧଂ ଦଶରଥତନଯଂ ଶ୍ଯାମଲଂ ଶାନ୍ତମୂର୍ତିମ୍।ଵନ୍ଦେ ଲୋକାଭିରାମଂ ରଘୁକୁଲତିଲକଂ ରାଘଵଂ ରାଵଣାରିମ୍ 26

ରାମାଯ ରାମଭଦ୍ରାଯ ରାମଚନ୍ଦ୍ରାଯ ଵେଧସେ।ରଘୁନାଥାଯ ନାଥାଯ ସୀତାଯାଃ ପତଯେ ନମଃ 27

ଶ୍ରୀରାମ ରାମ ରଘୁନନ୍ଦନ ରାମ ରାମଶ୍ରୀରାମ ରାମ ଭରତାଗ୍ରଜ ରାମ ରାମ।ଶ୍ରୀରାମ ରାମ ରଣକର୍କଶ ରାମ ରାମଶ୍ରୀରାମ ରାମ ଶରଣଂ ଭଵ ରାମ ରାମ 28

ଶ୍ରୀରାମଚନ୍ଦ୍ରଚରଣୌ ମନସା ସ୍ମରାମିଶ୍ରୀରାମଚନ୍ଦ୍ରଚରଣୌ ଵଚସା ଗୃଣାମି।ଶ୍ରୀରାମଚନ୍ଦ୍ରଚରଣୌ ଶିରସା ନମାମିଶ୍ରୀରାମଚନ୍ଦ୍ରଚରଣୌ ଶରଣଂ ପ୍ରପଦ୍ଯେ 29

ମାତା ରାମୋ ମତ୍ପିତା ରାମଚନ୍ଦ୍ରଃସ୍ଵାମୀ ରାମୋ ମତ୍ସଖା ରାମଚନ୍ଦ୍ରଃ।ସର୍ଵସ୍ଵଂ ମେ ରାମଚନ୍ଦ୍ରୋ ଦଯାଲୁ-ର୍ନାନ୍ଯଂ ଜାନେ ନୈଵ ଜାନେ ନ ଜାନେ 30

ଦକ୍ଷିଣେ ଲକ୍ଷ୍ମଣୋ ଯସ୍ଯ ଵାମେ ତୁ ଜନକାତ୍ମଜା।ପୁରତୋ ମାରୁତିର୍ଯସ୍ଯ ତଂ ଵନ୍ଦେ ରଘୁନନ୍ଦନମ୍ 31

ଲୋକାଭିରାମଂ ରଣରଙ୍ଗଧୀରଂରାଜୀଵନେତ୍ରଂ ରଘୁଵଂଶନାଥମ୍।କାରୁଣ୍ଯରୂପଂ କରୁଣାକରଂ ତଂଶ୍ରୀରାମଚନ୍ଦ୍ରମ୍ ଶରଣଂ ପ୍ରପଦ୍ଯେ 32

ମନୋଜଵଂ ମାରୁତତୁଲ୍ଯଵେଗଂଜିତେନ୍ଦ୍ରିଯଂ ବୁଦ୍ଧିମତାଂ ଵରିଷ୍ଠମ୍।ଵାତାତ୍ମଜଂ ଵାନରଯୂଥମୁଖ୍ଯଂଶ୍ରୀରାମଦୂତଂ ଶରଣଂ ପ୍ରପଦ୍ଯେ 33

କୂଜନ୍ତଂ ରାମରାମେତି ମଧୁରଂ ମଧୁରାକ୍ଷରମ୍।ଆରୁହ୍ଯ କଵିତାଶାଖାଂ ଵନ୍ଦେ ଵାଲ୍ମୀକିକୋକିଲମ୍ 34

ଆପଦାମପହର୍ତାରଂ ଦାତାରଂ ସର୍ଵସମ୍ପଦାମ୍।ଲୋକାଭିରାମଂ ଶ୍ରୀରାମଂ ଭୂଯୋ ଭୂଯୋ ନମାମ୍ଯହମ୍ 35

ଭର୍ଜନଂ ଭଵବୀଜାନାମର୍ଜନଂ ସୁଖସମ୍ପଦାମ୍।ତର୍ଜନଂ ଯମଦୂତାନାଂ ରାମରାମେତି ଗର୍ଜନମ୍ 36

ରାମୋ ରାଜମଣିଃ ସଦା ଵିଜଯତେ ରାମଂ ରମେଶଂ ଭଜେରାମେଣାଭିହତା ନିଶାଚରଚମୂ ରାମାଯ ତସ୍ମୈ ନମଃ।ରାମାନ୍ନାସ୍ତି ପରାଯଣଂ ପରତରଂ ରାମସ୍ଯ ଦାସୋଽସ୍ମ୍ଯହଂରାମେ ଚିତ୍ତଲଯଃ ସଦା ଭଵତୁ ମେ ଭୋ ରାମ ମାମୁଦ୍ଧର 37

ରାମରାମେତି ରାମେତି ରମେ ରାମେ ମନୋରମେ।ସହସ୍ରନାମତତ୍ତୁଲ୍ଯଂ ରାମନାମ ଵରାନନେ 38

ଇତି ଶ୍ରୀବୁଧକୌଶିକଵିରଚିତଂ ଶ୍ରୀରାମରକ୍ଷାସ୍ତୋତ୍ରଂ ସମ୍ପୂର୍ଣମ୍॥

॥ ଶ୍ରୀସୀତାରାମଚନ୍ଦ୍ରାର୍ପଣମସ୍ତୁ॥